खा.रणजितसिंह नाईक निंबाळकर यांच्या कामाचा झंझावात : माढा लोकसभा मतदार संघतील रेल्वे स्टेशनसाठी १४.७३ कोटी रु. निधी आणला खेचून (जेऊर रेल्वे स्टेशनचा अमृतभारत योजनेत समावेश )
(🚩रियल न्यूज नेटवर्क🔥-नितीनभाऊ झिंजाडे)
करमाळा :-खा.रणजितसिंह नाईक निंबाळकर यांच्या कामाचा झंझावात सुरूच असून त्यांनी माढा लोकसभा मतदार संघतील रेल्वे स्टेशनसाठी १४.७३ कोटी रु. निधी खेचून आणला आहे. सदर निधीमधून माढा लोकसभा मतदार संघतील अनेक रेल्वे स्टेशन हायटेक होणार असून करमाळा तालुक्यातील जेऊर रेल्वे स्टेशनचा अमृतभारत योजनेत समावेश होऊन यासाठी तब्बल १४.७३ कोटी रु. निधी मंजूर केला असलेची माहिती खा.रणजितसिंह नाईक निंबाळकर यांनी दिली आहे.याबाबत अधिक माहिती देताना ते म्हणाले की, माढा मतदार संघातील शेती,सिंचन,रस्ते, नागरि सुविधा यासारखी विकासकामे करण्यासाठी आपण प्रयत्नशील असून आपण कुर्डुवाडी व जेऊर रेल्वे स्टेशन येथे लोकांच्या सोईसाठी त्यांच्या मागणीप्रमाणे अनेक रेल्वे थांबे मंजूर केले आहेत यामुळे या भागातील प्रवाशी खूप समाधानी आहेत.लोकांना रेल्वेच्या सेवेचा अधिकाधिक लाभ व्हावा यासाठी सोलापूर रेल्वे परिमंडळातील जिंती रोड,ढवळस,कुर्डुवाडी या रेल्वे स्टेशन परिसराच्या विकसासाठी तब्बल १४.७३ कोटी रु.निधी मंजूर केला आहे.यासाठी देशाचे पंतप्रधान नरेंद्र मोदी,गृहमंत्री अमित शाह,भाजपचे राष्ट्रीय अध्यक्ष जे.पी.नड्डा, केंद्रीय रेल्वे मंत्री अश्वीनी वैष्णव, उपमुख्यमंत्री देवेंद्र फडणवीस,ना.चंद्रकांत पाटील यांच्याकडे आपण पाठपुरावा करून निधी मंजूर केला आहे.हा निधी मंजूर झाल्याने लोकांना उच्च प्रतीच्या नागरी सुविधा उपलब्ध होणार आहेत याचे मनोमन समाधान आहे.
चौकट :- एक खासदार म्हणून खा.रणजितसिंह नाईक निंबाळकर यांनी भूतो न भविष्यती चौफेर विकास कामाचा झंझावात संपूर्ण माढा मतदारसंघात अगदी थोड्या कालावधीत केला आहे.त्यामुळे लोक त्यांच्या कामावर खुश आहेत.
-- गणेश चिवटे, जि.सरचिटणीस भाजपा
टिप्पण्या