लाडकी बहीण योजनेचा लाभ घेण्यासाठी आता अर्ज करा मोबाईवरील नारिशक्ती दूत ऍपवर...(ऑनलाईन अर्ज करण्यासाठीची सविस्तर प्रोसेस....)

(🚩रियल न्यूज नेटवर्क🔥-नितीनभाऊ झिंजाडे)

मुंबई :- लाडकी बहीण योजनेचा लाभ घेण्यासाठी आता अर्ज करा मोबाईवरील नारिशक्ती दूत ऍपवर...ऑनलाईन अर्ज करण्यासाठीची सविस्तर प्रोसेस आता सुरु झाली आहे.महाराष्ट्रातील महायुती सरकारने नुकतीच ‘मुख्यमंत्री माझी लाडकी बहीण’ ही योजना सुरू केली आहे.त्यासाठी अर्ज भरण्याची प्रक्रियादेखील सुरू झाली आहे.या योजनेनुसार जुलै महिन्यापासून राज्यातील महिलांना प्रतिमहिना १५०० रुपये मानधन दिले जाणार आहे. मात्र, यासाठी अर्ज करताना अनेक महिलांना रांगेत उभे राहून त्रास सहन करावा लागत होता.त्यामुळे लाडकी बहीण योजनेचा लाभ घेण्यासाठी आता थेट मोबाईवरून ऑनलाईन अर्ज करता येणार आहे.ऑफलाईन पद्धतीने देखील तहसील कार्यालयात जाऊन किंवा अंगणवाडी सेविकांच्या मदतीने किंवा सेतू कार्यालयात हा अर्ज दाखल करता येतो.

🟣लाडकी बहीण योजनेअंतर्गत ऑनलाईन अर्ज करण्याची प्रोसेस खलिप्रमाणे.....

ज्या महिलांना मोबाईलच्या माध्यमातून हा अर्ज करायचा आहे त्यांच्यासाठीही राज्य सरकारने नारीशक्ती दूत नावाच्या अ‍ॅपचा वापर करण्याचा पर्याय दिलेला आहे. ‘नारीशक्ती दूत’ अ‍ॅप डाऊनलोड करून तुम्हाला अर्ज भरता येऊ शकतो. त्यासाठी अ‍ॅपमध्ये जाऊन तुमची माहिती भरून आपलं प्रोफाईल तयार करावे.

🟣सर्वप्रथम खालील लिंक वर क्लिक करून किंवा गुगल प्ले-स्टोअरवरून ‘नारीशक्ती दूत – Narishakti Doot’ असे सर्च करून हे ॲप डाऊनलोड करा.

लिंक :-https://play.google.com/store/apps/Narishakti-Doot

‘नारीशक्ती दूत – Narishakti Doot ॲप इन्स्टॉल झाल्यावर ओपन करा; त्यानंतर ज्या महिलेचा अर्ज भरायचा आहे, त्या महिलेचा मोबाईल क्रमांक टाकून लॉगीन करा.

🟣पुढे ‘Accept Term and Condition’ वर क्लिक करा आणि स्वीकारा या पर्यायावर क्लिक करा. ज्या मोबाईल क्रमांकाने तुम्ही लॉगीन केलं, त्या मोबाईल क्रमांकावर तुम्हाला OTP येईल. तो OTP दिलेल्या बॉक्समध्ये टाकून ‘Verify OTP’ या पर्यायावर क्लिक करा.

🟣त्यानंतर ‘तुम्हाला प्रोफाईल अपडेट करा’ असा संदेश येईल. तिथे ‘आपली माहिती भरण्यासाठी येथे क्लिक करा’, या पर्यायावर क्लिक करा.

🟣प्रोफाईल अपडेट करताना, तुमचं पूर्ण नाव, ईमेल आयडी (पर्यायी), जिल्हा, तालुका, नारीशक्तीचा प्रकार अपडेट करा.

🟣प्रोफाईल अपडेट केल्यानंतर खाली ‘नारीशक्ती दूत’ या पर्यायावर क्लिक करा. ‘मुख्यमंत्री माझी लाडकी बहीण योजना’ या पर्यायावर क्लिक करा.

🟣महिलेचे संपू्र्ण नाव (आधार कार्डप्रमाणे), पतीचे किंवा वडिलांचे नाव, जन्म तारीख, जन्माचे ठिकाण (गाव/ शहर) पिनकोड, पूर्ण पत्ता, अर्जदार महिलेचा मोबाईल क्रमांक, आधार क्रमांक, शासनाच्या इतर योजनांचा लाभ घेत आहे का?, वैवाहिक स्थिती आणि बॅंक खात्याचा तपशील भरा.

🟣संपूर्ण माहिती भरल्यानंतर आधार कार्ड, जन्म प्रमाणपत्र, उत्पन्नाचा दाखला/रेशन कार्ड, अर्जदाराचे हमीपत्र, (डाऊनलोड करून प्रिंट काढून त्यावर सही करा आणि पुन्हा अपलोड करा) आणि बॅंकेच्या पासबूकचा फोटो आणि अर्जदाराचा फोटो अपलोड करा, आणि खाली ‘जतन करा’ या पर्यायावर क्लिक करा.

🟣महत्वाचे :- तुम्ही भरलेली माहिती योग्य आहे की नाही, तपासून घ्या आणि ‘अर्ज दाखल करा’, या पर्यायावर क्लिक करा. त्यानंतर तुम्हाला ओटीपी येईल, तो ओटीपी भरून अर्ज दाखल करा.

🟣अर्ज संपूर्ण भरून सबमिट केल्यानंतर केलेले अर्ज या पर्यायावर क्लिक करून तुम्ही तुमच्या अर्जाची सद्यस्थिती(स्टेट्स) जाणून घेऊ शकता.

🟣ऑफलाईन पद्धतीनेही अर्ज भरण्यासाठी ग्रामीण भागातील महिलांनी ग्रामसेवक किंवा अंगणवाडी सेविकांकडे नोंदणी करावी लागेल.तर शहरी भागातील महिलांना वॉर्ड ऑफिसरकडे नोंदणी करावी.

🟣या योजनेसाठी अर्ज स्वीकारण्यास १ जुलैपासून सुरुवात झाली असून ३१ ऑगस्टपर्यंत अर्ज भरता येणार आहेत.

🟣महत्वाची सूचना:-

ॲप मध्ये अर्ज भरताना OTP प्रॉब्लेम किंवा लॉगिन होत नसेल > तर ॲप अपडेट करा किंवा अनइंस्टॉल करून पुन्हा इन्स्टॉल करा.

कागदपत्रे अपलोड होत नसतील तर > कागदपत्रांची साईज कमी करा.